Komisioni Evropian (KE) njoftoi paketën e gjashtë të investimeve për Ballkanin Perëndimor. Paketë kjo që vjen në kuadër të planit të investimeve të BE-së dhe prite të të grumbullojë 1.2 miliardë euro. Kjo paketë sipas KE do të mbështesë tetë investime të reja për ujësjellësa dhe kanalizime, në trajtimin e ujërave të zeza, trajtimin hekurudhor por dhe në fushën e inovacioneve dhe ndërmarrjeve të vogla dhe të mesme. Sipas KE investimet do të bëhen në bashkëpunim të ngushtë mes institucioneve financiare ndërkombëtare dhe vendeve t ëBallkanit perëndimor. Paketa e investimeve prej 1.2 miliardë euro përfshin 300 milionë euro grante të BE-së nga Instrumenti i Para-Anëtarësimit (IPA III), kontribute shtesë dypalëshe nga vendet anëtare të BE-së dhe nga Norvegjia, kredi nga institucionet financiare ndërkombëtare dhe kontribute nga ekonomitë e vendeve të Ballkanit Perëndimor.“Kjo forcon lidhjet rajonale me infrastrukturë cilësore dhe na sjell më afër njëri-tjetrit, gjë që është synimi ynë. Partnerët tanë të Ballkanit Perëndimor po e ndërtojnë të ardhmen e tyre evropiane. Këto investime, bashkë me reformat e nevojshme dhe me qasjen në Tregun tonë të Përbashkët, do t’i përgatisin ekonomitë e partnerëve tanë për t’iu bashkuar bllokut”, deklaroi në rrjetet socilae kryetarja e Komisionit evropian Ursula Von Der Leyen.