Trashëgimtari i Samsung-ut, Lee Jae Yong, u dënua me dy vjet e gjashtë muaj burgim nga një gjykatë e lartë në Korenë e Jugut, për shkak të asaj që u përshkrua si përfshirje e tij në vepra korruptive. Lee, 52 vjeç u dënua për dhënie ryshfeti një bashkëpunëtori të ish-presidentes Park Geun-hye, e cila është dënuar edhe ajo për mitmarrje dhe korrupsion. Lee ka qenë kreu de facto I samsungut që prej 2014-tës. Vendimi I gjykatës pritet të ketë ndikim tani edhe mbi të ardhmen e gjigandit të teknologjisë. Lajmi I dënimit bëri që aksionet e Samsung electronics të binin në bursë me 4%. Kreu I kompanisë ishte ndeshkuar fillimisht me pesë vjet burg. Ai e apeloi atë vendim e cështja përfundoi në Gjykatën Supreme. Akuza ndaj tij eshte se në mënyrë aktive kishte dhënë rryshfete dhe I kërkuar presidenetes që të përdorte pushtetin e saj për të lehtësuar kalimin e tij në krye të Samsungut pasi I ati vdiq nga një atak kardiak. Prodhuesi më i madh I smartfonëve në botë është konglomerati kryesor i kontrolluar nga një familje, që dominon ekonominë koreano-jugore. Qarkullimi i përgjithshëm i Samsung-ut arrin në thuajse 20 për qind të bruto prodhimit të brendshëm të Koresë së Jugut.