Një granatë dore është gjetur pasditen e kësaj të shtunë në zonën e ‘Ranës së Hedhun’ në Shëngjin. Mendohet të jetë një granatë disa vjeçare. Ka qenë policia e Lezhës që është sinjalizuar për granatën dhe ka rrethuar zonën përreth saj duke vendosur një perimetër sigurie. Ndërkohë pritet të mbërrijnë edhe forcat xheniere për ta hequr apo asgjësuar në vend granatën, e cila ndodhet në anë të rrugës kryesore.