Arabia Saudite ra dakord të martën të blejë dronët turq, një nga shumë kontratat e majme që presidenti recep tayyip erdogan ka siguruar për ekonominë turke në vështirësi, ndërsa ankaraja po korr përfitimet e përpjekjes së fundit diplomatike të saj për të përmirësuar marrëdhëniet me fuqitë e gjirit arab. Erdogan dhe princi saudit i kurorës, Mohammed bin salman, morën pjesë në ceremoninë e nënshkrimit mes kompanisë turke të mbrojtjes, Baykar dhe ministrisë saudite të mbrojtjes.Erdogan mbërriti në Jeddah (Xhedah) të arabisë saudite të hënën për ndalesën e parë të tij në turin e nisur në gji. Arabia saudite do të blejë dronët turq me qëllim që të përmirësojë gadishmërinë e forcave të armatosura të mbretërisë dhe të forcojë mbrojtjen e vendit dhe kapacitetet e tij prodhuese – tha ministri saudit i mbrojtjes. Zyrtarët sidoqoftë nuk dhanë detaje për vlerën e kontratës. Investimet dhe financimet nga gjiri, kanë ndihmuar në zbutjen e presionit në ekonominë e turqisë dhe rezervave të kartmonedhës së saj që nga 2021, kur ankaraja nisi një përpjekje diplomatike për të përmirësuar marrëdhëniet me arabinë saudite dhe emiratet e bashkuara arabe. Turqia është përplasur prej vitesh me dy shtetet e gjirit për shkak të mbrojtjes nga ana e ankarasë të lëvizjeve pro demokracisë në lindjen e mesme dhe afrikën e veriut si edhe për vrasjen e gazetarit saudit Jamal Khashoggi në konsullatën saudite në stamboll, në 2018-ën. Erdogan do të udhëtojë më pas në katar dhe të mërkurën do të jetë në emiratet e bashkuara arabe.