Dy shqiptarë u dëuan secili për dy vite e katër muaj nga Gjykata e Kurorës së Northampton në Britani të Madhe. Shqiptarë, njëri hidraulik dhe tjetri një punëtor ndërtimi, shkuan ilegalisht në Mbretërinë e Bashkuar. Por për shkak të borxheve që patën ndaj trafikantëve ata u detyruan që të punonin në të ashtëquajturat shtëpi bari, ku kujdeseshin për kanabisin. Fabrizio Zika dhe Elmaz Idriz u kapën kur policia bastisi shtëpinë në Headlands dhe gjeti kanabis me vlerë deri në 415,000 paund, raportojnë mediat angleze. Zika, 27 vjeç dhe Idriz, 38 vjeç, u gjetën në tavanin në pjesën e pasme të shtëpisë së madhe, kur policia e bastisi atë pak para orës 9 të mëngjesit të 23 majit. Gjatë kontrollit në tetë dhoma në pronën trekatëshe u gjetën 488 bimë kanabisi, si dhe kabllo elektrike, llamba ngrohjeje dhe çarçafë.