Dhjetëra e mijëra njerëz janë urdhëruar të largohen nga shtëpitë e tyre, në një zonë afër Reno-s, në Nevada, ndërsa një zjarr i madh i madh arriti në periferi të qytetit. Rreth 42,000 njerëz janë urdhëruar të largohen menjëherë nga shtëpitë e tyre, ndërsa 45,000 të tjerë janë udhëzuar të përgatiten për t'u larguar. Zjarri, i cili u raportua për herë të parë të shtunën në mëngjes, deri më tani ka plagosur gjashtë persona, thanë zyrtarët. Kushtet e motit, me erë të fortë dhe temperatura të larta, kanë kontribuar në përhapjen e tij. Guvernatori i Nevadës, ka shpallur gjendje të jashtëzakonshme dhe ka urdhëruar Gardën Kombëtare të bashkohet me përpjekjet e zjarrfikësve dhe organeve të zbatimit të ligjit. "Kjo është një situatë aktive, që evoluon me shpejtësi dhe unë i bëj thirrje të gjithëve në zonat e prekura të qëndrojnë vigjilentë dhe të ndjekin udhëzimet e zyrtarëve lokalë", tha ai. Zjarri është shkaktuar nga njerëzit dhe u raportua për herë të parë në orën 11:15 sipas orës lokale të shtunën, sipas zyrtarëve lokalë. Ata thanë se, deri të dielën në mbrëmje, zjarri kishte djegur rreth 10,500 hektarë dhe ishte totalisht jashtë kontrollit. Rreth 13,700 shtëpi janë brenda zonës së evakuimit, thanë shërbimet lokale të emergjencës, me dy vend strehime të hapura për të pritur banorët e zhvendosur. Nga gjashtë të plagosurit, tre ishin ndihmës të skuadrave të emergjencës që po luftonin zjarrin. Të gjitha shkollat e Qarkut Ëashoe u mbyllën të hënën dhe janë mbyllur po ashtu edhe shumë rrugë.