Pavarësisht se e konsideron gjyqësorin të qëndrueshëm pas reformës në drejtësi, raporti vjetor i Komisionit Europian, që vlerëson gjendjen e shtetit të së drejtës në Shqipëri, thotë se kanë vazhduar përpjekjet për ndikim të padrejtë në institucionet e drejtësisë. Mes tyre edhe sulmet personale ndaj magjistratëve, përfshirë edhe STRUKTURËN SPECIALE. Në këtë pikë, në raport përmendet se tetë magjistratë, dy gjyqtarë dhe gjashtë prokurorë, janë vendosur nën mbrojtje, mes tyre edhe prokurorë të SPAK dhe ish-kreu i KLP. NË RAPORT përmendet më tej se “përpjekjet nga zyrtarët publikë ose politikanët, përfshirë nivelet më të larta, për të ushtruar publikisht ndikim të padrejtë në institucionet e drejtësisë dhe sulmet personale ndaj magjistratëve në të gjitha nivelet vazhduan gjatë gjithë periudhës së raportimit.