Ambasadorja e Zvicrës në Shqipëri, Ruth Huber komentoi valën e protestat që po zhvillohen prej javësh në Tiranë. Gjatë një vizite në Korçë ku u takua me kryebashkiakun Sotiraq Filo ajo shprehu mbështetjen zvicerane për programet e zhvillimit të vendit dhe theksoi se institucionet demokratike dhe pjesëmarrja e njerëzve në protesta, janë një element i rëndësishëm i çdo sistemi. "Kjo është një pyetje shumë politike dhe është e vështirë për t'u përgjigjur si një ambasadë e huaj. Natyrisht, ne përmes programit tonë të zhvillimit, gjithashtu forcojmë demokracinë, me mbështetjen tonë ndaj parlamentit kombëtar, ndaj parlamenteve lokale. Instrumentet demokratike dhe pjesëmarrja e njerëzve në protesta janë një element i rëndësishëm i çdo sistemi, ashtu si edhe në sistemin tonë në Zvicër” Edhe pse me një qëndrim neutral ambasadorja shtoi gjithashtu se Zvicra ka dhënë një mbështetje afatgjatë për shoqërinë civile dhe zhvilimin e instrumentave demokratikë të cilat konsiderohen thelbësore për të ardhmen e vendit.