Kryeministri Edi Rama fton për bashkëbisedim qytetarët, që kundërshtojnë ndërtimet në Zvërnec, duke protestuar prej tre ditwsh nw Tiranw. Rama kërkon dialog me një grup prej 20 vetash, përfaqësues të protestuesve, në një takim të hapur, me vendin dhe kohën e përcaktuar prej tyre. “Mua këtu më keni, gjithmonë gati për t’ju dëgjuar, nëse doni të flasim për Zvërnecin, për arrogancën, për dhunën, për mosinformimin, për transparencën, për pronat, për investimet e huaja, për natyrën, flamingot, shqiponjat, apo për çdo çështje tjetër me interes publik. Sepse robt e shtëpive tona janë interes privat dhe të tillë duhet të mbeten them unë apo jo? Po që kjo imja të mos mbetet thjesht si një “larje goje” në mexhelis apo largqoftë te merret si tallje me ju, mblidhuni, jo më shumë se 20 vetë dhe bujrum, ulemi në një bashkëbisedim publik, ku të doni dhe kur të doni. Nëse doni, natyrisht”. Kryeministri Rama vlerëson qytetarët që janë ngritur në protestë, teksa publikon një video nga tubimi poshtë zyrës së tij, por nuk i kursen dhe ironitë.