Interesimi i mediave greke për ngjarjet e së shtunës në Zvërnec të Shqipërisë është i paprecedentë. Edhe në periudha tensionesh për Himarën, çështjen Beleri, vrasjen e Kostandin Kacifas apo marrëveshjen për zonat detare, rrallëherë një ngjarje e tillë ka tërhequr kaq shumë vëmendjen e televizioneve dhe gazetave kryesore greke. Televizioni SKAI i kushtoi ngjarjes reportazhin e dytë të edicionit të mesditës . Në fokus ishte dëshmia e të plagosurit, i cili deklaroi se goditja që morri në arterien karotide nga punonjës të sigurisë private mund të kishte qenë fatale. Janë toka me dokumente pronësie. Kanë qenë të gjyshërve tanë, të prindërve tanë dhe tani po përpiqemi edhe ne t’i marrim. Por nuk mundemi për momentin = ka shtuar ai në dëshminë telefonike. Nga ana e saj gazeta Kathimerini e të njëjtit grupi mediatik, është ndalur te prapaskenat e konfliktit. Sipas saj, pak ditë para protestës ishte zhvilluar në Athinë një takim mes përfaqësuesve të banorëve dhe investitorëve. Më pas tregon se si u nisën pasditen e së premtes dy autobusë drejt Zvërnecit dhe dhjetëra të tjerë me makinat e tyre nga qytetet e tjera të Greqisë.