Një situatë kritike është regjistruar pasditen e sotme në Mallakastër. Një zjarr me përmasa të mëdha ka përfshirë sipërfaqe të gjera me bimësi dhe, i favorizuar nga erat e forta, po përhapet me shpejtësi të madhe drejt zonave të banuara, duke vënë në rrezik jetën e banorëve dhe pronat e tyre. Shërbimet e Policisë kanë ndërhyrë në fshatin Koilac për të evakuuar disa familje, banesat e të cilave u kërcënuan direkt nga flakët. Në terren është dislokuar një ushtri e tërë strukturash operacionale për të menaxhuar situatën, ndërkohë që flakët po përhapen drejt 4 fshatrave të tjerë. Përveç fshatit Koilac ku dëmet në bimësi janë tashmë të konsiderueshme, era e fortë po i shtyn vatrat e zjarrit në drejtim të katër zonave të tjera të banuara. Autoritetet po punojnë me intensitet të lartë për të krijuar breza izolimi përpara se flakët të mbërrijnë në fshatrat