Vazhdon lufta me flakët në Athinë. Vetëm në pak orë janë djegur 10.000 hektarë pyje, ndërsa në një lagje që quhet Vrilisa janë djegur shumë banesa. Disa banorë u dërguan në spital me djegie të lehta dhe probleme me frymëmarrjen. Flakëve nuk u shpëtuan dot as makinat e zjarrfikësve. Kryeministri dhe kreu i opozitës ndërprenë pushimet për të qenë pranë të prekurve nga zjarri. Mijëra persona që jetojnë përreth Athinës janë evakuuar të hënën, përfshirë edhe nga qyteze historike Maraton, pasi një zjarr i madh i është afruar kryeqytetit grek, “pavarësisht përpjekjeve të jashtëzakonshme” për ta vënë nën kontroll, thanë zyrtarët. Më shumë se 670 zjarrfikës me 183 makina dhe 32 avionë janë angazhuar për të shuar zjarret, por deri në mbrëmjen e së hënës situate ishte pothuajse jashtë kontrollit. Shkencëtarët kanë thënë se emetimet e karburanteve fosile po përkeqësojnë gjatësinë, shpeshtësinë dhe intensitetin e valëve të të nxehtit në mbarë botën.