Top Channel/ Zjarri në Lushnjë/ Qytetarja në mëshirë: Mbi 10 vite biznes, dëmi rreth 60 milion lekë

Një tjetër tregtare tregon dëshminë e saj, për zjarrin që përfshiu qendrën tregtare në Lushnjë. Ajo tregon që ka 10 vite që merret me biznes dhe dëmi që flakët kanë shkaktuar është 506-60 milion lekë. “Kam një biznes në kat të parë ,është dyqan çantash aksesorësh. Zjarri ra nga ora 2 e gjysmë e drekës kur ne po ndërronim turnet në punë. Në fillim pamë tym edhe ndjemë erë që po digjej diçka dhe pastaj u larguam. Unë nuk qëndrova aty kur ra zjarri po dëgjova nga tregtarët e tjerë që kanë bizneset e tyre që u mbush shumë shpejt me tym dhe u përfshi nga flakët. Biznesi im ka mbi 10 vite që është hapur dhe mendoj që dëmi mund të jetë shumë i madh. Mendoj që ka mbi 50-60 milion lekë dëm, po shyqyr që jemi mirë, kjo ka rëndësi”, shprehet ajo.