Orë dramatike po kalon zona e Evros dhe banorët e fshatrave rreth saj pasi për të 15 ditë rrjesht, vatrat e zjarrit mbeten ende jashtë kontrollit duke djegur ditën edhe natën dhjetëra hektarë pyje . Pasditen e së shtunës autoritettt greke kanë dërguar me mesazhin urgjent 112 urdhër evakuimi tek banorët e fshatit Lefkimi ku situata është shumë e rrezikshme pasi fronti i zjarrit ka marrë përmasa të mëdha dhe po i afrohet shtëpive . Erërat e forta po forcojnë frontin e zjarrit dhe po vështirësojnë shuarjen e tij. Nga vendgjarja, përgjegjësi i Sektorit të Mbështetjes Operacionale dhe Humanitare në Agjencinë Kombëtare të Mbrojtjes Civile, Leonard Gjyra, bën me dije per Top Channel se forcat shqiptare që ndodhen sot atje,pas 11 ditësh në Greqi , po bashkëpunojnë me forcat greke dhe ato çeke për të shmangur flakët që po i drejtohen një reparti ushtarak. Ndihma në përballjen me zjarret në pyllin e Dadias po jepet nga Mekanizmi Evropian i Mbrojtjes Civile me forca nga rreth 9 shtete.