Zjarret që kanë shpërthyer në disa zona qendrore të Greqisë i kanë kushtuar jetën dy personave që po ndihmonin zjarrfikësit në përpjekjet kundër flakëve, njoftuan autoritetet. Flakët arritën nga pyjet në fshatra duke prekur edhe banesat, ndërsa disa baorë u detyruan të evakuoheshin. Zjarret ranë pranë Korinthit, 140 kilometra në perëndim të Athinës, ndërsa tymi i tyre shihej qartësisht në kryeqytetin grek. Trupat e vullnetarëve që luftonin flakët ishin gjetur pranë fshatit Elliniko, ndërsa dy zjarrfikës gjithashtu ishin plagosur, thanë burimet vendase për rrjetin AFP. Zjarri i shfaqur papritur dje ishte përhapur shpejt duke e bërë të vështirë vënien nën kontroll, thanë burimet e zjarrfikësave. Rreth 400 zjarrfikës raportohet se punuan sot në terren por detyra ishte e vështirë prej terrenit kodrinor dhe bimësisë së dendur, thane zyrtarët vendas. Greqia është përfshirë sivjet nga periudha thatësire dhe valë të hershme të nxehti, ndërsa numri i zjarreve të egra ishte më i madh se ai në të njëjtën periudhë vitin e shkuar.