Një prej anijeve më të mëdha të marinës iraniane u fundos pranë ngushticës së Hormuzit pas një zjarri që shpërtheu në bord në rrethana krejt të paqarta. Khargu, qe e merrte emrin nga një ishull në afërsi të një ishulli ku gjendet dhe një terminal kyc nafte, u mbulua nga flaket duke i zene te gjithe te papergatitur. Operacioni gjigand prej më shumë se 20 orësh në përpjekje për ta shpëtuar anijen deshtoi, pavarësisht angazhimit të madh të ushtrisë. Kjo e fundit e identifikonte Khargun si “anije stërvitore”. në momentin e fatkeqësisë, në bord kishte pothuajse 400 anëtare ekuipazhi dhe trupa që merrnin pjesë në stërvitje. Zyrtarët vendas thonë se ata u arrit të evakuoheshin me sukses që të gjithë. mësohet se vetëm 20 persona kanë marrë djegie të lehta. Askush nuk di ta thotë me saktësi arsyen e zjarrit që duket se ka nisur nga dhoma e motorrit, duke bërë që disa pjesë të trupit të anijes të shkrinin e të binin në det. Khargu ishte ndërtuar në Britanisë pak përpara revolucionit Iranian të 1979-tës, dhe u bë pjesë e flotës iraniane në vitin 1984 pas disa vite negocjatash.