Joni Keta, 37 vjec u votua njëzëri nga Këshilli I Lartë I Prokurorisë duke ju besuar posti I drejtorit të Byrosë Kombëtare të Hetimit që do ta mbajë me një mandat pesë vjecar. Si oficer I ish prokurorisë së krimeve të rënda dhe më pas hetues pranë BKH, gjatë këtyre 15 viteve në sistem Joni Keta njihet për ekspertizën gjatë investigimeve financiare, dhe ndaj krimit të organizuar. Gara për drejtorin e BKH zgjati pothuajse gjithë vitin dhe u vëzhgua dukshëm nga ndërkombëtarët . Sidomos nga amerikanët nga të cilët u kopjua BKH duke u pagëzuar ndryshe edhe si FBI shqiptare. Edhe gjatë votimit në KLP, për Joni Ketën, emri I të cilit iu sygjerua këshillit nga tre prokurorë të SPAK , amerikanët dhe vëzhguesit evropianë ishin të pranishëm. Madje ata mbërritën në sallë përpara anëtarëve ndoshta për të treguar se BKH dhe SPAK janë të rëndësishëm për ndërkombëtarët të cilët po japin mesazhe duke kërkuar hetime ndaj karteleve të drogës. Më herët BKH u drejtua nga Aida Hajnaj e cila ishte shefja e parë e byrosë, por që mandate I saj u shoqërua me bashkëpunim në krizë me dy drejtuesit e SPAK. Altin Dumanit, shefit actual të SPAK I përfundon mandati 3 vjecar në 18 dhjetor