Ka shumë gjëra në lojë në këto zgjedhje parlamentare të Shqipërisë, shkruan il Post në një analizë të gjatë të tij. qeverisë së ardhshme do t`i duhet të merret me reforma të rëndësishme dhe anëtarësimin në BE: i preferuari vazhdon të mbetet sipas saj kryeministri Rama. Ky anëtarësim do të varet shumë nga zgjedhjet politike që do të bëhen nga ekzekutivi i ardhshëm, theksohet aty. Një test, i konsideron il Post zgjedhjet e së djelës për Edi Ramën, por që sic theksoi ai kryeson në anketimet e javëve të fundit. Nëse kryeministrin e ngroh fakti që në zgjedhjet e përpara 4 viteve siguroi gati 50% të votave, për ta mposhtur atë, PD-së iu desh të krijonte një koalicion sa më të gjerë që ishte e mundur me aleatë nga 13 parti e lëvizje, përfshirë dhe nga ato më të voglat. E përditëshmja italiane flet për krizë politikë në këtë periudhë të nxehtë parazgjedhore, por edhe një krizë institucionale të nxitur sic nënkupton ajo mes rershtash, nga kreu i shtetit. Pak ditë më parë, kujton il Post presidenti Ilir meta në një intervistë për Associated Press ku e akuzoi qeverinë se ka vendosur një regjim kleptokratik, u shpreh se do të jeptë dorëheqjen nëse socialist i fitojnë sërish zgjedhjet. Një ngërc i thellë ky sipas gazetës, që nënvizon sesi presidenti i Shqipërisë, ka një rol gjerësisht ceremonial në krye të shtetit dhe detyra e tij është të jetë një përfaqësues i të gjithë kombit përmbi palët.