Top Channel/Zgjedhjet në Itali, figura pranë Putin-Von der Leyen:I presim financimet-nxehet Salvini!

Kreu i Legës në Itali, Matteo Salvini iu përgjigj ashpër një deklarate të presidentes së komisionit të BE-së Ursula Von der Leyen, pak ditë para mbajtjes së zgjedhjeve të së dielës, sipas të cilës, BE do të reagojë nëse situata nuk shkon për mirë. “Ky është një kërcënim i zymtë, një ‘pushtim’ i pakërkuar. Zonja përfaqëson europianët, rrogën e saj e paguajmë ne të gjithë, ishte një kërcënim i neveritshëm dhe arrogant. Grupi parlamentar i Lega do të paraqesë një mocion mosbesimi. Po të isha president i Komisionit të BE-së do të shqetësohesha për faturat”, deklaroi Salvini në një intervistë për mediat italiane. Gjatë një konference per shtyp në Universitetin e Princetonit, një pjesëmarrës i vuri në dukje von der Leyen se mes kandidatëve për zgjedhjet e ardhshme legjislative italiane, kishte dhe"figura të afërta me Putinin" . "Do të shohim," u përgjigj ajo. "Nëse gjërat shkojnë në një drejtim të vështirë - dhe po flas ketu për Hungarinë dhe Poloninë - ne i kemi mjetet." Ky pohim u si referencë e qartë mbi aftësinë e Komisionit Europian për të shkurtuar fondet e alokuara për vendet anëtare kur ato konsiderohen se shkelin sundimin e ligjit. Javën e kaluar, Komisioni propozoi shkurtimin e 7.5 miliardë eurove të fondeve të alokuara për Hungarinë. Italia është përfituesi më i madh i fondit të gjeneratës tjetër të BE-së, një paketë grantesh dhe kredish për të trajtuar sfidat ekonomike pas pandemisë COVID-19. Enrico Letta, i cili drejton partinë demokratike të qendrës së majtë, i siguroi votuesit italianë se “nuk ka asnjw shantazh nga ana e Bashkimit Europian”. Pamjet: AFP