Më 11 Maj 2025, shqiptarët do ti drejtohen kutive të votimit për zgjedhjet e përgjithshme. Pas konsultimeve me partitë politike ku opozita bojkotoi, presidenti Bajram Begaj dekretoi datën 11 Maj 2025 për mbajtjen e zgjedhjeve parlamentare. Në fakt kjo ishte edhe data e parapëlqyer prej socialistëve e deklaruar prej sekretarit të përgjithshëm të PS Blendi Klosi e më herët prej Taulant Ballës. Ndërkohë partitë e tjera të përfshira në konsultime i kërkuan presidentit mënjanimin e çdo date të afërt me atë të zhvillimit të Komitetit Politike të Bashkimit europian në Tiranë, planifikuar gjatë muajt Maj të vitit të ardhshëm. Data 11 maj është zgjedhur nga presidenti si plotësim i dëshirës së insitucionit që qëndron mbi palët politike, por që administron zgjedhjet, Komisioni qendror i zgjedhjeve, për t’i dhënë këtij të fundit maksimumin e kohës për përgatitjen e infrastrukturës ligjore dhe organizative, me qëllim që të bëhet i mundur votimi i suksesshëm dhe rezultativ i shqiptarëve nga jashtë vendit.