Presidenti I Ukrainës Volodymyr Zelensky mbërriti orët e vona të së martës në Tiranë, për të marrë pjesë në punimet e samitit Ukrainë-Europa Juglindore. Ai u prit në Rinas nga ministro I punëve të jashtme Igli Hasani dhe ministrja e shtetit për marrëdhëniet me Parlamentin Elisa Spiropali. Ndërsa u shoqërua nën masa të rrepta sigurie. Sipas axhendës, Zelensky do të mikpritet në orën 09:00 në Kryeministri nga kryeministri Edi Rama, ku dhe do të nënshkruajnë disa marrëveshje mes dy vendeve. Më pas ata do t’i drejtohen pallatit të kongreseve nga ku në këtë tapet të kuq do të mbërrijnë në Samitin e organizuar nga Qeveria Shqiptare, 13 udhëheqës të 13 shteteve nga Europa Juglindore. Pjesa e parë e samitit do të jetë e hapur nga kjo sallë për të vijuar me dyer të mbyllura e më pas konkluzionet do të jepen në një konferencë për shtyp që do të mbahet në orën 13.30 të kësaj të mërkure. Shqipëria e organizon këtë Samit në vazhdën e qëndrimeve të guximshme e të unifikuara në Këshillin e Sigurimit të OKB-s me Shtetet e Bashkuara të Amerikës. Samiti vjen si një tjetër mbështetje për Ukrainën dhe në të denoncuarin e agresion të paligjshëm Rus dhe krimet që ka sjellë ai. Ftesë për të marrë pjesë ka edhe presidenti Serbisë Aleksandër Vucic vendi të cilit është përfshirë në mitingje pro ruse. Pjesëmarrja e mundshme e Vucic nuk do të mirëpritet nga Moska të cilës Serbia ka refuzuar ti vendosë sanksioneve siç ka kërkuar BE-ja. Kosova do të përfaqësohet nga presidentja Vjosa Osmani. Ky samit shihet si një mundësi e mirë për intensifikimin e përpjekjeve në njohjen shtet të Kosovës nga Ukraina. Presidenti Turqisë Rexhep Taip Erdogan do ti bashkohet samitit përmes një video mesazhi nga Ankaraja. Pamjet: AFP