Presidenti Volodymyr Zelensky tha të mërkurën se vizitoi pozicionet ushtarake në vijën e fronti në Bakhmut, një qytet në Ukrainën lindore, ndërsa një raketë goditi godinat rezidenciale duke lënë disa të plagosur. Të paktën një person u vra dhe 32 të tjerë u plagosën në bllokun e apartamenteve në Zaporizhia, një qytet afër vijës së frontit, vetëm pak përpara se Zelensky të njoftonte vizitën e tij në front, tha kryebashkiaku. Gjatë vizitë në frontin pranë Bakhmut, për të cilin po zhvillohet beteja më e gjatë dhe e përgjakshme e pushtimit rus, Zelensky vlerësoi detyrën e vështirë që ushtarët kishin. “Jam i nderuar të jem përpara jush sot për të vlerësuar heronjtë tanë. Për të shtrënguar duart dhe ti falënderuar për mbrojtjen e sovranitetit të vendit.” Një video e lëshuar nga zyra e Zelenskyt e tregoi atë duke u takuar me oficerët ushtarakë, në një magazinë duke shpërndarë dekorata shtetërore. Por forcat ruse kanë fituar shumë terren drejt kapjes së Bakhmutit në muajt e fundit. Një ndihmës i kreut të emëruar nga Rusia të rajonit lindor të Donetskut në Ukrainë tha të mërkurën se forcat ruse ishin afër ndërprerjes së lidhjeve rrugore të Ukrainës me qytetin. Forcat ruse dhe ukrainase kanë investuar shumë për Bakhmutin, edhe pse analistët thonë se qyteti ka pak rëndësi strategjike. Kievi thotë se beteja për qytetin industrial, i cili kishte një popullsi të paraluftës prej rreth 80,000 banorësh, është çelësi për të mbajtur forcat ruse përgjatë gjithë frontit lindor. Pamjet: AFP