Presidenti i Ukrainës Volodymyr Zelensky teksa mori pjesë në samitin e rëndësishëm të NATO-s, zhvilloi takime me liderët e shumë vendeve që e kanë mbështetur në luftën e gjatë në territoret e tyre. Pavarësisht se vendi i tij nuk mori dritën jeshile për anëtarësimin në aleancën veriatlantike, Zelensky la mënjanë zhgënjimet e mëparshme me NATO-n për të falënderuar Shtetet e Bashkuara për ndihmën e saj. Gjatë takimit me presidentin Joe Biden, ky i fundit përgëzoi guximin e Ukrainës në përballimin e luftës, një nga temat më të diskutuara në samitin e Vilniusit. Ndër të tjera presidenti amerikan theksoi angazhimet e shpallura nga grupi G7, për t'i ofruar Ukrainës mbështetje të zgjeruar ushtarake dhe ekonomike, ndër të tjera shtoi se ndihma e tyre nuk do të lëkundet në asnjë moment. Zelensky u takua edhe me homologun e tij francez Emanuel Macron, pasi në fazën e parë të takimit të NATO-s deklaroi se do t’i dërgonte raketa me rreze të gjatë Ukrainës. Nuk mungoi as takimi dypalësh me kryeministrin e Mbretërinë e Bashkuar Rishi Sunak dhe kancelarin gjerman Olaf Scholz në kuadër të ditës së dytë të samitit të NATO-s. Me kryeministrin kanadez Justin Trudeau në takimin kokë më kokë e vuri theksin tek ndihma ushtarake shumë e nevojshme për vendin. Presidenti turk Rexhep Tajip Erdogan pas takimit në Vilnius deklaroi se do të bëjë të pamundurën që të arrihet rinovimi i marrëveshjes së grurit nga mes Rusisë dhe Ukrainës, e cila do të mundësojë transportin përmes Detit të Zi. Pamjet: AFP