Presidenti i Ukrainës, Volodymyr Zelensky, në fjalimin e tij në Asamblenë e Përgjithshme të Kombeve të Bashkuara u bëri thirrje liderëve që t’ia kufizojnë Rusisë të ardhurat dhe t’i pengojnë përpjekjet e saj pwr tw vazhduar luftën. “Kur dikush i jep Rusisë më shumë para përmes tregtisë, ai i jep kësaj lufte më shumë kohë. Dhe pikërisht për këtë arsye ne këmbëngulim në kufizimin e tregtisë me agresorin dhe për këtë arsye po djegim të ardhurat e Rusisë: rafineritw. Për herë të parë në historinë e Rusisë, tani po dëgjojmë se krenaria e saj, industria e naftës, po mbetet pa fuqi. Objektivi ynë është dobwsimi i aftësisw sw Rusisë për ta financuar këtë luftë, për ta zgjatur atë, për ta bërë më brutale dhe më shkatërruese. Financat e Rusisë dhe prodhimi i Rusisë janë ato që duhet të ndalen nëse duam ta ndalim Putinin.” Zelensky shprehu dyshime mbi interesimin e Rusisë për t’i dhënë fund luftimeve.