Presidenti i Ukrainës, Volodymyr Zelensky u prit nga jomologu i tij në Francë, Emanuell macron, në kuadër të bisedimeve për paqen. Në konferencën e përbashkët për shtyp në Paris, Zelensky deklaroi se Ukraina nuk ka ndërmend të heqë dorë nga: garancitë e sigurisë, ruajtja e sovranitetit dhe integriteti territorial. Ai përsëriti se “Moska nuk duhet të shpërblehet për agresionin e saj dhe se pretendimet e Kremlinit për përparime në front janë të ekzagjeruara”. “Pres të zhvilloj një bisedë telefonike me presidentin amerikan Donald Trump. Besoj se kjo do të ndodhë sapo të përfundojë bisedimet në Rusi emisari Steve Ëitkoff. Çdo diskutim për hapat e mëtejshëm duhet të marrë formë vetëm pasi Ukraina të jetë e përfshirë drejtpërdrejt. Nuk do të ketë vendime për Ukrainën pa Ukrainën”. Në të njëjtën konferencë, presidenti francez Emmanuel Macron nënvizoi se Franca mbetet plotësisht e angazhuar në mbështetje të Ukrainës dhe lëshoi mesazhe për Trump që të ketë më shumë transparencë për bisedimet.