Donald Trump është i bindur se Volodymyr Zelenskyy është gati të heqë dorë nga Krimea, pavarësisht pohimeve të mëparshme të homologut të tij ukrainas për gadishullin e Detit të Zi të aneksuar nga Rusia në vitin 2014. Teksa fliste për gazetarët pas takimit me Zelenskyn në Vatikan, shefi i Shtëpisë së Bardhë u shpreh se “mendon që po”, duke iu përgjigjur kështu pyetjes nëse mendonte që Zelensky eshte gati të “heqë dorë” nga territory. Javën e kaluar sakaq, kreu i shtetit ukrainas u shpreh se Kievi nuk mund ta pranonte njohjen e SHBA-së për aneksimin e Krimesë nga Rusia, pasi Trump e akuzoi se thjesht po tregohej kokëfortë për këtë cështje. “Krimeja” ka vazhduar të insistojë Zelensky, është “pronë e popullit ukrainas”. Ai ende nuk ka bërë asnjë koment ndaj deklaratave të fundit të presidentit amerikan. Trump vuri nga ana tjetër në dyshim gatishmërinë e Vladimir Putin për t'i dhënë fund luftës në Ukrainë. Në një postim në mediat sociale pas largimit nga Roma, ai insistoi se "nuk kishte asnjë arsye përse shefi i Kremlinit të godiste me raketa zonat civile". Ministri gjerman i Mbrojtjes, Boris Pistorius deklaroi megjithatë një ditë më parë se propozimi i SHBA-së që Ukraina t’i lëshojë territor Rusisë është “i ngjashëm me një kapitullim”. Sekretari amerikan i Shtetit, Marco Rubio tregoi edhe një herë se durimi po soset. Ai u shpreh se java e ardhshme do të jetë vendimtare për arritjen e një marrëveshjeje paqeje që synon t’i japë fund luftës mes Rusisë dhe Ukrainës. Sipas NBC Neës, Rubio theksoi se Ukraina dhe Rusia janë tani më afër një marrëveshjeje paqeje se sa në çdo moment të tre viteve të fundit, duke vënë në dukje se një marrëveshje duhet të finalizohet në të ardhmen e afërt.