Presidenti amerikan Joe Biden njoftoi se Shtetet e Bashkuara do t’i japin Ukrainës një paketë të re ndihme ushtarake me vlerë prej 375 milionë dollarësh. Biden tha se ndihma përfshin municione, mjete të blinduara dhe pajisje të tjera për forcat ukrainase. Udhëheqësit e G-7 i bën jehonë deklaratës së Presidentit Biden, ndërsa kancelari gjerman dhe presidenti francez u shprehën kundër çdo zgjidhjeje pa tërheqjen paraprake të të gjitha trupave ruse nga Ukraina. Presidenti i Ukrainës falënderoi udhëheqësit e demokracive më të pasura në botë, të cilët ndër të tjera u zotuan se do të vazhdojnë mbështetjen për Ukrainën. Kjo mbështetje ishte njëherësh një paralajmërim drejtuar presidentit rus Vladimir Putin i cili përmes një deklarate të lëshuar nga Kremlini tha se forcat ruse kishin marrë nën kontroll qytetin e Bakhmutit. Një gjë të tillë e mohoi Presidenti Zelensky, i cili tha se ushtria ukrainase po lufton ende.