Hamasi ka rënë parimisht dakord për një armëpushim dhe është në hapat e fundit për t’i thënë “po” edhe propozimit amerikan për ndalur luftën. Mediat e huaja raportojnë se në bisedimet që po zhvillohen në Egjipt, Hamasi ka kërkon garanci zyrtare nga SHBA se Izraeli do të zbatojë të gjitha kushtet e marrëveshjes, duke nënvizuar kërkesën e tij për një armëpushim të qëndrueshëm. Së fundmi reaguan edhe SHBA që i bëri thirrje Hamasit të pranojë marrëveshjen e propozuar nga Izraeli: “është e mirë për popullsinë në Gaza, është mirë për izraelitët.” Kështu tha zëdhënësi i Këshillit të Sigurisë Kombëtare të SHBA-së, Xhon Kirbi, në një konferencë. “Është një marrëveshje shumë serioze, është më e mira për t'i dhënë fund këtij konflikti”, nënvizoi ai. Megjithatë, ai që ka frenuar gjithçka, ishte kryeministri izraelit, beniamin Netanyahu, i cili deklaroi se nuk ka ende një marrëveshje zyrtare. "Pretendimi se ne ramë dakord për një armëpushim me Hamasin pa u plotësuar kushtet tona nuk është i vërtetë. Ata duhet të lirojnë fillimisht pengjet dhe më pas të shohim se çfarë do të ndodhë", mësohet të ketë thënë Netanyahu. Pamjet: AFP