Një plantacion gjigant ku lulëzonin mijëra bimë kanabisi u zbulua në një tunel të ndërtuar poshtë një ferme të braktisur në zonën e Caspolinos, në Barcelonë të Spanjës. Policia spanjolle gjeti dhe asgjësoi mbi 1762 rrënjë kanabisi në faza të ndryshme të rritjes, ndërsa një dhomë tjetër e bodrumit ishte përshtatur për përpunimin e kanabisit me cilësi të lartë. Në flagrancë brenda plantacionit u arrestua një 26-vjeçar shqiptar që dyshohet se ruante plantacionin, ndërsa policia po heton për përfshirjen edhe të personave të tjerë. Policia tha se gjeti edhe 60 kilogramë fara marihuane ishin sistemuar brenda një arke ngrirësi që besohet se mund të prodhonin hashash të cilësisë së lartë Ajo çfarë habiti më së shumti autoritet spanjolle ishte burimi i energjisë eletrike që përdorej për rritjen e bimëve narkotike. Policia spanjolle gjeti një derë që ndodhej në tokë, e vendosur midis dy magazinave ku ndodheshin bimët, e cila rezultoi të ishte hyrja e një tuneli. Në brendësi ndodhej një gjenerator industrial me naftë, i ngjashëm me ato që përdoren në shumë qytete kur ka ndërprerje të energjisë, vlera e të cilit është rreth 20.000 euro përafërsisht. Pamejt: AFP