Mona Lisa e Leonardo da Vinçit, një nga pikturat më të famshme në botë, mbulohet nga misteret, duke nisur që nga identiteti i figurës, shprehja e saj e çuditëse dhe enigmatike. Por duket se tashmë një nga pyetjet lidhur me këtë pikturë ka marrë përgjigje, dhe lidhet pikërisht me vendin se ku është bërë kjo kryevepër. Italiania Ann Pizzorusso, gjeologe dhe historiane e artit, beson se ka zbuluar vendndodhjen e Mona Lizës duke përdorur ekspertizën e saj gjeologjike. Tri dekada më parë, Pizzorusso vizitoi qytetin e Lecco-s në bregun juglindor të liqenit Como në Itali, ku beson se piktura është bërë. Nga ‘rigjurmimi’ i hapave të Leonardos, me shënime në ditar dhe vizatime, në fletoren e tij ai përmend se ka qenë në Lecco dhe punonte si inxhinier, tha ajo për CNN. Sipas historianes, projekti mbi të cilin po punonte Leonardo u anulua, por skicat e tij gjeologjike në terren mbetën. Megjithatë, Pizzorusso nuk është e para që ka teorizuar vendndodhjen e Mona Lizës në vitin 2011, një historian arti ia atribuoi peizazhin e pikturës një qyteti të vogël të quajtur Bobbio, ndërsa një tjetër Arezzo-s. Llogaritjet e mëparshme janë përqendruar në urën e harkuar mbi shpatullën e djathtë të Mona Lizës. Pir, Pizzorusso këmbëngul se mund të nxirren më shumë detaje nga formimi unik shkëmbor në horizont. “Nëse shikoni në sfond, do të shihni majat. Është një lloj erozioni që ndodh në gurin gëlqeror që ka thyerje në të dhe shkëputet në blloqe, pothuajse si një model i dhëmbëve sharrë… Mund të tregojmë se guri gëlqeror ekziston në(Lecco. Kur shikoni Mona Lizën, ka një sërë malesh në sfond që kanë këtë model të dhëmbëve sharrë”, tha ajo. Por zbulimi mund të çojë vetëm në më shumë mister. Nëse vendndodhja është Lecco, siç sugjeron Pizzorusso, mbeten më shumë pyetje se pse piktori i njohur zgjodhi atë vend të veçantë, për këtë portret të veçantë. Pamjet: AFP