Paramilitari serb Millorad Ulemek, i njohur si “Legija” është identifikuar si urdhërdhënësi për sulmin ndaj Familjes Jashari. Ai është në mesin e 35 personave, të cilët Prokuroria Speciale i ngarkon me krime lufte për vrasjen e 26 civilëve shqiptar në Lagjen e Jasharajve në Prekaz të Skënderajt. Këtë njësi të operacioneve speciale, e ka udhëhequr Milorad Ulemek, Legija i cili, atë që e thash më herët e ka pas për obligim dhe për detyrë dhe me kërkesën e tij speciale që ta sulmojë drejtpërdrejtë shtëpinë e Shaban Jasharit Millorad Ulemek është dënuar në vitin 2007 lidhur me vrasjen e kryeministrit serb, Zoran Gjingjiq. Ai është i dënuar edhe për vrasjen e presidentit Ivan Stamboliq dhe tentim vrasjen e opozitarit Vuk Drashkoviq. Prokuroria Speciale e Kosovës ka arritur të provojë se në datat 5,6 dhe 7 mars, nga rrethimi i Jasharajve janë vrarë 26 civilë shqiptarë, në mesin e të cilëve edhe fëmijë pesë vjeçar. Provat e siguruara gjatë hetimit të këtij rasti kanë vërtetuar se në këtë sulm janë vrarë 26 persona civilë, në mesin e të cilëve kishte fëmijë duke filluar nga mosha pesë vjeçare, gra dhe të moshuar