Kurorëzimi i mbretit Karli i Tretë do të bëhet në 6 maj të vitit të ardhshëm në Westminster Abbey në Londër, njoftoi të martën Pallati Buckingham. Shërbimi do të jetë më modern se kurorëzimi i mëparshëm mbretëror dhe "do të shohë drejt së ardhmes", tha pallati në një deklaratë. Duke shtuar se ceremonia do të jetë padyshim e mbështetur në traditat e vjetra . Kryepeshkopi i Canterbury Justin Welby do të drejtojë ceremoninë, e cila do të shohë Karlin e tretë të kurorëzuar së bashku me gruan e tij Camilla, bashkëshortja mbretëreshë. "Ceremonia e kurorëzimit ka ruajtur një strukturë të ngjashme për më shumë se një mijë vjet, dhe kurorëzimi i vitit të ardhshëm pritet të përfshijë të njëjtat elementë thelbësorë duke njohur frymën e kohës sonë.", njoftoi pallati mbretëror. 73 vjeçari u bë mbret i Britanisë muajin e kaluar pas vdekjes së nënës së tij, Mbretëreshës Elizabeth II. Disa ditë pas vdekjes së saj, Karli i tretë u konfirmua zyrtarisht si Mbreti i ri i Mbretërisë së Bashkuar në një ceremoni në Pallatin e St. James Kurorëzimi i tij është planifikuar për vitin e ardhshëm për të lejuar një periudhë të përshtatshme kohore për të mbajtur zi për sovranen e mëparshëm dhe për të planifikuar ceremoninë. Pallati nuk ka zbuluar detaje specifike rreth kurorëzimit, por mediat raportojnë se ceremonia pritet të zgjasë një orë nga 3 që është zhvilluar zakonisht, dhe ndryshe