Dy orë takim i kryeministrit Edi Rama me drejtuesit politik dhe ministrat shërbeu për të treguar mekanizmat si do të vihet në zbatim dokumenti Besa dhe "Prania Besnike". Kryeministri Edi Rama citohet të jetë shprehur se "Besa" dhe "Prania Besnike" do të jenë prezente në territor, permes nje skeme të personalizuar me përfshirjen e drejtuesve politik, deputetëve, ministerave dhe zv ministërave. Në përfundim të takimit kryeministri Edi Rama publikoi një koment ku thotë se "vijuam sot punën intensive për detajimin e programit të sezonit të ri, duke nisur nga kalendarizimi i Pranisë Besnike në çdo territor". Mekanizmat e rinj të ndërveprimit qeveri - deputetë në funksion të përmirësimit të mëtejshëm të shërbimeve publike qendrore e vendore. Kryeministri njoftoi edhe nisjen e hartimit të ndryshimeve ligjore për PasqyrAlbania. Po ashtu thotë kryeministri u diskutua progresi i bërë me hartimin e nismës së integruar Shqipëria Sociale, të cilës do t’i kushtohet një Konferencë e posaçme Kombëtare në muajin nëntor.