Zbardhet dinamika e plotë e vrasjes së efektivit Enea Mekolli në Korçë nga i shumëkërkuari Violand Braçellari, të cilin kishin shkuar ta arrestonin pas denoncimit të bërë për dhunë nga një bari që punonte në stallat e tij. Në dosjen e prokurorisë theksohet se efektiviët e policisë që kishin shkuar për kontroll në stallat e Braçellarit janë përballur me të shtëna nga ana e tij pavarësisht se ishin të veshur me uniformat dalluese të policisë dhe jelekë antiplumb, duke rrëzuar kështu dëshminë e nënës së autorit se policët nuk bënë thirrje për tu dorëzuar. Prokuroria sqaron se pranë trupit të efektivit të qëlluar në kokë, në gjoks dhe në disa pjesë të tjëera u gjet edhe arma automatike e shërbimit me një krehër prej 30 fishekësh, ku 29 ndodheshin ende në karikator dhe një fishek ishte në folenë e armës. Sipas grupit hetimor, kjo tregon se efektivi nuk kishte arritur të qëllonte asnjë plumb gjatë sulmit. Ndërsa efektivët po i jepnin ndihmën e pare Mekolli, breshëria e armës vazhdonte. Bracellari dëgjonte që punonjësit e policisë bënin thirrje për dorëzim dhe vazhdonte të qëllonte me armë në drejtim të policisë dhe për pasojë gjatë shkëmbimit të zjarrit, plagosi në kokë edhe efektivin tjetër Edison Adri. Pasi vrau një efektiv dhe plagosi një tjetër, Violand Braçellari ka tentuar të largohet me vrap në drejtimin e poshtëm të stallave, por si pasojë e shkëmbimit të zjarrit ishte plagosur dhe u kap disa metra poshtë stallave. Referuar të dhënave të policisë se Bracellari kishte rrezikshmëri të lartë, ndërsa rezultonte i dënuar më parë për disa vepra të tjera me rrezikshmëri shoqërore, duke iu shmangur drejtësisë prej afro 10 vitesh ai u la nën masën