Në vitin 2024 AZHBR ka dhënë para për toka të pa mbjella me bimë mjekësore aromatike. Nëse të gjithë fermerët e kësaj zonë do të plotësonin kushtet e Ministrisë së Bujqësisë për të përfituar subvencion, sipërfaqa e tokës nuk do të kalonte shifrën e 5000 Ha. Burime për Top Channel thonë se inspektorët e AZHBR të njëjtën parcelë prezantonin si një tokë të re, por që herë pa herë I ndryshonte emri fermerit. Duke përdorur Skemën Kombëtare si instrument drejtoresha e AZHBR, Ardita Kucci rriti në mënyrë fictive sipërfaqen e paracelave me sherebelë dhe livandul, ku për 846 fermerë nga Malësia e Madhe për 6,345.1 Ha, u dhanë 190.353.000 ALL. “ Epiqendra më e madhe e kultivimit e BMA është Malësia e Madhe, Kopliku ku vetëm me sherebelë janë të kultivuara 2000-3000 ha, por krahas sherebelës kemi livandul, trumbë, dhe rigon dhe në totalë në këtë zonë sipërfaqa me BMA shkon diku tek 5000 Ha. “ Ndërsa për vitin 2025 harta e parcelave të pa mbjella u dyfishua, ku për 1.290 aplikime AZHBR kërkonte të jepte para për 11.430.1 ha, por në të vërtetë në vlerësimin e kryetari të Shoqatës së Industrisë të BMA, Filip Gjoka, kjo shifër nuk arrihet as në të gjithë Shqipërinë.