Hantavirusi po shqetëson botën, pas riatdhesimit të pasagjerëve që ndodheshin në anijen turistike, ku shpërtheu virusi, që mori jetën e tre personave. Por, duket se ky virus nuk është shfaqur për herë të parë tani, pasi rezulton të ketë qenë në vëmendjen ndërkombëtare edhe më herët, në dimrin e vitit 2025, kur u raportua se kishte ndikuar në vdekjen e aktorit fitues të çmimit Academy Awards (Oscars), Gene Hackman, dhe bashkëshortes së tij, Betsy Arakaëa, të cilët u gjetën të pajetë në shtëpinë e tyre në Santa Fe, Neë Mexico. Sipas hetimeve mjeko-ligjore, Arakawa dyshohet se vdiq nga sindroma pulmonare e shkaktuar nga hantavirusi, pas kontaktit me brejtës të infektuar. Hackman ndërroi jetë disa ditë më vonë si pasojë e komplikacioneve shëndetësore, përfshirë sëmundjen e avancuar të Alzheimerit. Raportet hetimore kanë evidentuar gjithashtu praninë e konsiderueshme të brejtësve në pronën e tyre, çka ka ngritur dyshime për burimin e infeksionit.