Lamine Yamal është padyshim një nga yjet e Barcelonës këtë sezon, me 17-vjeçarin që mori një vëmendje të madhe gjatë Europianit “Gjermani 2024”. Pas triumfit në finalen kundër Anglisë, Yamal prezantoi për publikun dhe të dashurën e tij, yllin e TikTok, Alex Padilla, me të cilën i dha fund marrëdhënies pasi kësaj të fundit iu publikua një video ku shfaqej në prehrin e një djali tjetër. Pas kësaj, ylli i Spanjës u kap “mat” gjatë pushimeve me miqtë e tij pranë një tjetër bukurosheje, e cila gjithashtu ishte e njohur në TikTok. Bëhet fjalë për Jacqueline Ligero, modelja 10 vite më e madhe se Yamal, lidhja me të cilën gjithashtu nuk zgjati shumë. Tashmë, disa muaj pas ndarjes nga Ligero, Yamal është kapur në rrugët e Barcelonës pranë një tjetër ylli të TikTok, italiania 19-vjeçare, Anna Gegnoso. Të dy janë parë ndërsa bëjnë shopping në “La Roca” të Barcelonës ndërsa është zbuluar se Ana kishte ardhur bashkë me një shoqe të sajën, gjithashtu një influencer italiane, për të ndjekur sfidën e fundit në kampionatin spanjoll të Barcelonës, ndaj Las Palmas. Ana numëron mbi 830 mijë ndjekës në TikTok, ndërsa ka rreth 600 mijë të tillë në Instagram.