Në kuadër të Ditës së Europës, ministrja për Europën dhe Punët e Jashtme, Olta Xhaçka vjen me një mesazh. Përmes një videomesazhi Xhaçka thekson se vendi ynë është afër objektivit tonë të anëtarësimit në BE dhe sipas saj, Shqipëria ka arritur në përmbushjen e prioriteteve. Mesazhi i plotë: 71 vjet më parë, Robert Schuman, prezantoi deklaratën e tij historike, ku propozohej krijimi i Komunitetit Evropian të Qymyrit dhe Çelikut. Ishte një hap i guximshëm dhe largpamës, të cilin Schuman dhe vizionarët e atij që sot e njohim si “Bashkimi Evropian”, e ndërmorën për të hedhur themelet e një bashkëpunimi politik dhe ekonomik, të bazuar mbi mirëkuptimin dhe solidaritetin, dëshirën dhe paqen afat-gjatë për të rindërtuar së bashku Evropën e dërrmuar nga lufta, në mënyrë që Kontinenti të mos njihte më kurrë, si më parë, konflikte të përgjakshme.