Thuajse gjithë mediat greke kanë publikuar orët e fundit një dokument sekret që ka nxjerrë Ëikileaks dhe që paraqet një plan të hartuar nga ministria e inteligjencës izraelite e cila rekomandon zhvendosjen e popullsisë civile të Gazës në Gadishullin Sinai të Egjiptit si një zgjidhje për popullsinë në Rripin e Gazës, në të cilin përfshihet edhe Greqia. Dokumenti këshillues që mban datën 13 tetor dhe është zbuluar nga faqja e internetit izraelite Mekomit e më pas e publikuar nga Ëikileaks është një tekst dhjetë faqesh, i cili nuk dihet nëse është miratuar zyrtarisht nga Izraeli. Aty përshkruhet një plan strategjik më i gjerë për të larguar plotësisht palestinezët nga tokat e tyre dhe për t'i detyruar ata të gjejnë një mënyrë për të mbijetuar në tokën egjiptiane në një proces disa faza. Në fillim të urdhërohen palestinezët të evakuojnë nga Gaza veriore nën kërcënimin e operacionit tokësor izraelit, nga veriu, në jug të Gazës, të mbeten të hapura rrugët në pikën kufitare në Rafah ,të ngrihet një kamp refugjatësh në Sinain verior e më pas të ndërtohen qytete të përhershme si edhe një korridor humanitar për të zhvendosur palestinezët në Egjipt. Dokumenti, ndër të tjera, thuhet se u propozon palestinezëve një fushatë të organizuar "për t'i bindur ata të pajtohen me planin", me mesazhe të qarta se "nuk ka më asnjë shpresë që ata të kthehen në tokat e pushtuara dhe përfshin vende të tjera si kandidate për të pranuar mbi 2.3 milion refugjatë palestinezë, mes tyre Greqinë, Spanjën dhe Kanadanë. Dokumenti propozon që qeveria izraelite të nisë një fushatë globale që do të promovojë programin e zhvendosjes në botën perëndimore "në një mënyrë që të mos provokojë dhe të njollosë emrin e Izraelit" dhe se zhvendosja e popullsisë së Gazës do të paraqitet si "një veprim i nevojshëm humanitar " që "do të sjellë më pak vdekje të civilëve nga konflikti".