Presidenti i serbisë aleksandër vucic është distancuar nga veprimi i fundit i Rusisë , atë të mbajtjes së të ashtëquajturave referndumeve në Ukrainë. Vuçiç tha të mërkurën se Serbia nuk do të njohë rezultatet e referendumeve të mbajtura në katër rajone të Ukrainës pjesërisht të pushtuara nga forcat ruse, pavarësisht lidhjeve të ngrohta të Beogradit me Moskën. "Serbia ... nuk do t’i njohë (referendumet) pasi i përmbahet ligjit ndërkombëtar, Kartës së Kombeve të Bashkuara dhe rezolutave të OKB-së", u tha presidenti serb Vuçiç gazetarëve të mërkurën. Ky është një qëndrim i fortë i vucic që nga nisja e luftës, pasi ai shpesh është akuzuar që nuk ka dalë hapur në dënimin e Rusisë për pushtimin e Ukrainës. “Ne po mbrojmë tërësinë tonë tokësore dhe është në interesin tonë më të mirë të mbrojmë tërësinë tokësore të vendeve të tjera të njohura ndërkombëtarisht”, tha presidenti serb, duke theksuar se vendi i tij ndodhet nën trysni për shkak të qëndrimit ndaj Moskës. Serbia, një kandidate për anëtarësim në Bashkimin Evropian, varet nga Rusia për furnizimet e saj me gaz natyror dhe ka refuzuar t'u bashkohet sanksioneve perëndimore kundër Moskës. Ndërkohë Kremlini mbështet Beogradin në kundërshtimin e tij të vazhdueshëm ndaj njohjes së pavarësisë së Kosovës. Beogradi ndërkohë u përball me kritika nga Shtetet e Bashkuara dhe Bashkimi Evropian pasi të premten e kaluar nënshkroi në Nju Jork një marrëveshje me Rusinë për "konsultime" të ndërsjella mbi çështjet e politikës së jashtme.