Aleksandar Vuçic e ftoi kryeministrin e Malit të Zi, Dritan Abazovic, që t’i bashkohet takimit të takimi të nismës rajonale, “Ballkani i Hapur”, i planifikuar të zhvillohet në Ohër të Maqedonisë së Veriut. Presidenti serb pati një takim sot me kreun e ekekutivit të ri malazez në kuadrin e Forumit Ekonomik Botëror në Davos të Zvicrës. “Një mundësi e shkëlqyer për të diskutuar çështje dypalëshe me Dritan Abazovicin gjatë Forumit Ekonomik Botëror, por edhe për ta ftuar edhe një herë që të bashkohet me ne në takimin e nismës së ‘Ballkanit të Hapur’ në Ohër”, pohoi Vucic përmes një postimi në Instagram. Abazovic nga ana e tij thotë se vendi i vet është duke bërë përpjekje për të promovuar një politikë të bashkëpunimit rajonal, pajtimit, bashkëjetesës dhe kohezionit më të mirë ekonomik në Ballkanin Perëndimor. “Marrëdhëniet me Serbinë janë prioritet – jemi të gatshëm për bashkëpunim intensiv në të gjitha fushat me interes të përbashkët”, ka shkruar ai në Twitter. “Ballkani i Hapur”, i konsideruar vazhdimësi e “mini-Shengenit” ballkanik, u prezantua në Novi Sad të Serbisë 10 tetorin e vitit 2019, nga liderët e Serbisë, Maqedonisë së Veriut dhe Shqipërisë. Kjo ndodhi kjo, Mali i Zi i drejtuar askohoke prej Partisë Demokratike të Socialistëve (DPS), nuk pranoi të merrte pjesë në këtë nismë rajonale, por kryeministri i ri Abazovic e mbështet konceptin e saj.