“Takim i gjatë e i vështirë me presidentin Vucic. E vlerësojmë përpjekjen e tij për paqen dhe stabilitetin. Puna jonë do të vazhdojë”; me këtë koment të shkurtër në Tëitter e përshkroi i dërguari amerikan për Ballkanin Perëndimor, Gabriel Escobar përballjen në Beograd me kreun e shtetit serb. Takimi mes tyre dhe përfaqësuesit të BE-, Miroslav Lajcak, i zhvilluar në prani të Ambasadorit amerikan Christopher Hill e Kreut të Delegacionit të BE’së në Serbi Emanuele Giaufret, zgjati deri 15 minuta pas mesnate. Vucic nuk iu shmang toneve dramatike as në postimin në Instagram ku ka thoshte se : “Lufta po vazhdon e unë po shtirem se nuk jam lodhur”. Pas dy orë bisedimesh, ai foli për një kompromis të vogël që mund të arrihet, pa shpjeguar sakaq se për cfarë është fjala. Por sic tha, për targat dhe disa “çështje të tjera të mëdha”, nuk ka ende një zgjidhje në horizont. Bisedimet, nga sa pohoi presidenti serb, do të vazhdojnë në ditët në vijim.