Këto janë momentet e vrasjes së 39-vjeçarit shqiptar Brigen Limka në Greqi. Viktima me origjinë nga Korça u qëllua për vdekje me armë gjahu nga fqinji I tij 68-vjeçar, I cili siç shihet edhe në këtë video të siguruar ekskluzivisht nga Top Channel, I afrohet nga mbrapa dhe e qëllon dy herë duke e lënë të vdekur në vend. Më pas autori sipas dëshmitarëve okular iu drejtua viktimës duke i thënë: “ tashmë të dhashë fund” dhe u largua drejt shtëpisë së tij ku dhe u arrestua nga policia greke. Ngjarja e rëndë ndodhi në Pire, ndërsa shkak u bë një debat për çështjen e një parkimi. 39-vjeçari shqiptar kishte marrë me qera një parkim, por I moshuari shpesh debatonte me të pasi I bllokonte rrugën hyrëse duke parkuar makinën e tij. Kjo gjë kishte sjellë dhe debate të vazhdueshme mes tyre. Dëshmitarët thanë se vrasësi ishte kthyer në një problem për komunitetin rreth zonës pasi kohët e fundit kishte shfaqur dhe probleme të shëndetit mendor. Emigranti shqiptar ishte baba I tre fëmijëve dhe njihej si një person tejet I qetë dhe pa probleme. Pavarësisht se u dërgua me urgjencë drejt spitalit ai nuk mundi t’u mbijetojë plagëve.