Një roje sigurie I ambasadës së Brazilit në Tunizi u vra teksa ishte në krye të detyrës. Roja u sulmua me një mjet të mprehtë nga agresori pasi I kërkoi këtij të fundit që të largohej pasi kishte shkelur perimetrin e sigurisë. Ndërkohë vrasësi u qëllua në këmbë nga forcat e sigurisë që ndodheshin në ambasadë dhe më pas u arrestua nga policia. Ministria e brendshme e Tunizisë tha se rasti ishte një ngjarje kriminale dhe nuk kishte të bënte me një sulm terrorist. Ndërkohë policia nisi hetimet dhe po punon për identifikimin e autorit. Vendi i Afrikës së Veriut është përballur me një varg sulmesh vdekjeprurëse xhihadiste pas revoltës së vitit 2011, ku u rrëzua diktatori Zine El Abidine Ben Ali. Ndërkohë pas këtyre ngjarjeve autoritetet tuniziane thonë se kanë bërë përparim të rëndësishëm në luftën kundër grupeve të dhunshme ekstremiste. Megjithatë, terroristët vijojnë të veprojnë në shtetin afrikano-verior pavarësisht masave të marra nga policia.