Tre pengje u vranë gabimisht nga ushtria izraelite gjatë operacioneve që po zhvillon në Gaza. Dy prej tyre u identifikuan nga autoritetet, ndërsa emri I të tretit nuk u bë publik pasi familjarët e tij nuk pranuan. Trupat e pajetë u transportuan drejt Izraelit, ndërsa ushtria njoftoi se qëlloi gabimisht mbi pengjet në zonën veriore të Shejaiya. Ata u panë si kërcënim dhe për këtë trupat ushtarakë hapën zjarr, thanë autoritetet. Ndërkohë luftime të ashpra po zhvillohen në zonën Khan Younis në afërsi të lagjes së liderit të Hamasit, Yahya Sinwar, banesa e të cilit tashmë është shkatërruar nga sulmet ajrore. Beteja sipas BBC e cila I referohet dëshmive të banorëve është shtrirë në pjesën jugore, qendrore dhe veriore të Gazës. Si pasojë humbi jetën dhe një gazetar I Al Jazerës I cili ndodhej brenda perimetrit të kësaj zone. Por teksa ushtria po vijon përparimin në gaza, Jeruzalemi u shënjestrua nga disa raketa të cilat u kapën nga sistemi mbrojtës Iron Dome. Që nga sulmi I 7 tetorit që grupi islamik I Hamas ndërmori kundër izraelit, kanë humbur jetën 1200 izraelitë dhe u morën peng më shumë se 250 persona, ndërsa në radhët e palestinezëve janë vrarë më shumë se 18,700 persona dhe janë plagosur mbi 50 mijë të tjerë. Pamjet: AFP