Katër ushtarë të ushtrisë së Shteteve të Bashkuara janë vrarë në Lituani gjatë stërvitjes. Lajmi u konfirmua edhe nga sekretari i përgjithshëm i NATO-s, Mark Rutte, gjatë vizitës së tij në Varshavë ditën e mërkurë. “Ndërsa unë po flisja, doli lajmi për katër ushtarë amerikanë që u vranë në një incident në Lituani. Ky është lajm i tmerrshëm, dhe mendimet e tona janë me familjet dhe të dashurit e tyre”, ka deklaruar Rutte, duke shtuar se ai nuk dinte asnjë detaj më shumë rreth ngjarjes tragjike. Ushtria e Lituanisë më herët të mërkurën kishte njoftuar se po kërkonin katër ushtarë amerikanë dhe një automjet të gjurmuar që ishte zhdukur pasditen e së martës. Një deklaratë nga zyra e marrëdhënieve publike të ushtrisë amerikane për Evropën dhe Afrikën në Vizbaden në Gjermani, tha se ushtarët po kryenin stërvitje taktike të planifikuar në atë kohë. “Në operacion kërkimi dhe shpëtimi është duke u zhvilluar në një zonë që ne sapo e kemi identifikuar” tha njoftoi ushtria lituaneze në një deklaratë.