Një infermiere në Britani u shpall fajtore për vrasjen e shtatë foshnjave si dhe tentativën për të vrarë gjashtë të tjera. Krime këto që e bëjnë atë një nga vrasëset më të këqija seriale të fëmijëve në historinë moderne britanike. Lucy Letby, 33-vjeç u dënua me burg përjetë nga gjykata pas një gjyqi maratonë të nisur në vitin 2018. Krimet 33-vjeçarja I kreu gjatë vitit 2015 - 2016. Kohë kjo kur ajo punonte në spitalin “Kontesha e mirë” në Anglinë veriperëndimore si infermiere që kujdesej për foshnjat e sëmura. Lucy Letby gjatë kohës që I ushqente të porsalindurit, u injektonte atyre insulinë ose ajër në gjak duke u shkaktuar vdekjen. Gjatë gjyqit prokurorët e çështjes thanë se e akuzuara vrau dy vëllezër binjak të porsalindur brenda 24 orëve. Pak ditë më pas ajo vrau dhe një foshnje që kishte lindur 10 javë para kohe. Autoritetet pas dhënies së dënimit nga ana e gjykatës thanë se drejtësia tashmë ishte vendosur në vend duke ndëshkuar një nga vrasëset më famëkeqe të Anglisë. Infermierja, e cila gjatë kohës që kreu krimet ishte në mesin e të 20-ve, do të jetë gruaja e tretë në Mbretërinë e Bashkuar që do të vuaj një dënim të përjetshëm.