Policia greke ka zbardhur një krim dhe ka shpallur në kërkim autorin e dyshuar, i cili është shtetas Shqiptar. Orjon Llupo 41-vjeç akuzohet nga autoritetet fqinje se ka vrarë me thikë pas një sherri banal 38-vjeçarin grek Nikolao Mazaraqi. Ngjarje kjo e ndodhur mbrëmjen e datës 17 tetor të këtij viti në vendin e quajtur Ajia Sotiria në Athinë. Konflikti mes tyre nisi pas një sherri banal me viktimës dhe autorit për një dozë heroinë. Nga hetimet rezulton, se ata u përleshën fillimisht e më pas 41-vjeçari shqiptar e qëlloi 38-vjeçarin grek me thikë disa herë duke I shkaktuar plagë të rënda në trup. Si pasojë e të cilave, viktima ndërroi jetë. Pas ngjarjes Orjon Llupo u largua me shpejtësi duke humbur ngjarjet. Mësohet se nëpërmjet familjarëve të tij, policia greke mundi të komunikojë me 41-vjeçarin I cili pranoi autorësinë e vrasjes. Dyshohet se ai ndodhet në territorin shqiptar dhe po fshihet në zonën e Divjakës. Lidhur me rastin, autoritetet greke pritet t’I kërkojnë palës shqiptare që të bëjnë të mundur kapjen e tij dhe ta ekstradojnë drejt territorit grek. Dhe pse nuk ka një marrëveshje ekstradimi mes dy vendeve. Llupo është një emër i njohur për policinë greke pasi më herët ka qenë i dënuar për pjesëmarrje në organizatë kriminale, armëmbajtje pa leje dhe shkelje të ligjit për emigracionin. Pamjet: AFP