Saga e hakmarrjes në Lezhë vijon të mbetet e pranishme. Mesditën e djeshme në Balldre u ekzekutuan me armë zjarri Kreshnik dhe Gentjana Mujeci, një çift bashkëshortësh, në një atentat i motivuar nga hakmarrja. Policia e Lezhës ka zbardhur ngjarjen, duke shpallur në kërkim tre persona si autorë të dyshuar: Adriano Mhillaj, 22 vjeç, Florin Mhillaj, 36 vjeç dhe Renato Mhillaj, 23 vjeç. Sipas hetimeve, çifti po udhëtonte me një automjet tip “Audi Q7”, ndërsa ndiqej nga pas nga një “Audi A4” gri. Në momentin që janë futur në rrugën drejt Balldres, një tjetër mjet tip “Volksëagen” u ka prerë rrugën. Autorët kanë zbritur menjëherë nga automjeti, pa maska, dhe kanë qëlluar me breshëri kallashnikovi në drejtim të çiftit, duke i lënë të vdekur në vend.