Nuk është zbardhur ende vrasja e Durrësit, ndërsa viktima është përcjellë për në banesën e fundit. Shërbime policore kanë ndjekur në distancë ceremoninë funerale të 37-vjeccarit Fatjon Dervishi në Katund Sukth, pasditen e së enjtes. Kur kanë kaluar 48 orë nga ngjarja, hetimet po vijojnë me intensitet për zbardhjen e vrasjes së 37-vjeccarit që përdorte dhe identitetet Toni Dervishi, apo Toni Margen. Ai u vra mesnatën mes së martës dhe së mërkurës, kur po kthehej me makinë për në banesë së bashku me një shokun e tij. Burime nga grupi hetimor bëjnë me dije se po verifikohet ccdo piste hetimore. Elementë të ndryshëm të krimit, mungesa e ndriccimit dhe kamerave të sigurisë në vendin e ngjarjes e kanë vështirësuar zbardhjen e shpejtë të saj. Viktima, sipas policisë vendore, ishte nën hetim për trafik narkotikësh në Hollandë. Puna është fokusuar kryesisht në pistat e një larjeje hesapesh për prishjen e pazareve të drogës, atë të një hakmarrjeje ndaj vëllait të tij të arrestuar më parë, po mund të ketë qenë edhe një paralajmërim me armë për konflikte në zonë, paralajmërim që u kthye në vrasje. Plumbat e kanë kapur Dervishin vetëm në pjesën e poshtme të trupit, duke i dëmtuar arterien femurale dhe shkaktuar hemoragjinë vdekjeprurëse.